Thursday 7 June 2018

കോമാളി ആകുന്ന മലയാളി

ഒരു കാലത്തു മലയാളി എന്ന് പറഞ്ഞാൽ അഭിമാനമായിരുന്നു ,, സമ്പൂർണ സാക്ഷരതയും ആരോഗ്യ പരിപാലനവും , ലോക വിവരവും പ്രായോഗിക ബുദ്ധിയും, പറയുന്ന വിഷയങ്ങളെ കുറിച്ചുള്ള അടിസ്ഥാന പരമായ അറിവും അങ്ങനെ ഒട്ടു മിക്ക കാര്യങ്ങളിലും മലയാളികൾ മറ്റു ഇന്ത്യക്കാരുടെ മുൻപിൽ ബഹുമാനിക്കപ്പെടുന്നവർ ആയിരുന്നു 

പക്ഷെ ഇന്നത്തെ അവസ്ഥയോ ?

ഐ എ എസ് പരീക്ഷയായിക്കോട്ടെ , മെഡിക്കൽ എൻട്രൻസ് ആയിക്കോട്ടെ , സോഫ്റ്റ്‌വെയർ പോലുള്ള ഹൈടെക് ജോലികളായിക്കോട്ടെ , മറ്റുള്ള സംസ്‌ഥാനക്കാർ കേരളീയരേക്കാൾ ഒരുപാടു മുന്നിലെത്തിക്കഴിഞ്ഞു ,, ഒരുകാലത്തു ഇന്ത്യയിൽ മൊത്തം പരിഹസിക്കപ്പെട്ടിരുന്ന ബിഹാറിലെ കുട്ടികൾ പോലും രാജ്യാന്തര പരീക്ഷകളിൽ മലയാളി കുട്ടികളെ ക്കാൾ മുൻപിലായി കൊണ്ടിരിക്കുന്നു 

അതിനെല്ലാം പുറമെ രാഷ്ട്രീയ വിഷയങ്ങളിലെ ചർച്ചകൾ ഇന്ന് മലയാളികളെ ഏറ്റവും അപഹാസ്യരാക്കി മാറ്റിക്കഴിഞ്ഞു  

അന്ധമായ ബി ജെ പി വിരോധം മൂലം , പടച്ചു വിടുന്ന കഥകളും , പ്രതികരണങ്ങളും , അടിസ്ഥാന രഹിതമായ ആരോപണങ്ങളും , അതി വികൃത മായ ട്രോളുകളും ,, ഇന്ന് മലയാളിയെ ഒരു കോമാളിയുടെ രൂപത്തിൽ കാണാൻ മറ്റു സംസ്ഥാനക്കാർക്കു വഴി കട്ടിയായി തീരുകയാണ് 

ഇതിനുദാഹരണമായി ശ്രദ്ധയിൽ പെട്ട ഒരു കാര്യം ഇവിടെ പങ്കു വെയ്ക്കുന്നു 

കുറച്ചു കാലങ്ങൾക്കു മുൻപ് കേരളത്തിൽ നിന്നും എം പി യായി തിരഞ്ഞെടുക്കപ്പെട്ട അൽഫോൻസ് കണ്ണന്താനം ,, പെട്രോൾ നികുതി വരുമാനത്തിന്റെ ഉപയോഗത്തെ കുറിച്ച് പറഞ്ഞ അഭിപ്രായത്തെ കേരളം ജനതയും മാധ്യമങ്ങളും ചേർന്ന് ആഘോഷമാക്കി ,, ഇപ്പോഴും അത് തുടരുകയും ചെയ്യുന്നു 

ഇനി ഈ വിഷയത്തിൽ അഭ്യസ്ഥ വിദ്യർ എന്ന് സ്വയം അഭിമാനിക്കുന്ന കേരള ജനതയ്ക്കും , സർവ വിജ്ഞാന കോശങ്ങളായ മാധ്യമ പ്രവർത്തകർക്കും പറ്റിയ ഒരബദ്ധം ചൂണ്ടികാണിക്കുന്നു 

പെട്രോളിന്റെ മേൽ ചുമത്തുന്ന സെസ്സ് അതുപോലുള്ള ടാക്‌സുകൾ എന്നിവ പിരിക്കുന്നത് ആരോഗ്യ പരിപാലനത്തിനും കക്കൂസ് നിർമാണത്തിനും വേണ്ടി കേന്ദ്രം ഉപയോഗിക്കും എന്നാണ് ശ്രീ അൽഫോൻസ് കണ്ണന്താനം പറഞ്ഞത് , (അദ്ദേഹം ഇതിനൊപ്പം പല കാര്യങ്ങളും പറഞ്ഞെങ്കിലും ഇത് മാത്രമാണ് കേരള ജനത കേട്ടത്)

ഇതുകേട്ട ബി ജെ പി വിരുദ്ധർ ഒന്നും ആലോചിക്കാതെ പെട്രോൾ വാങ്ങുന്നതിനെ കക്കൂസ് നിർമാണ സംഭവനയാക്കി ചിത്രീകരിക്കുകയും കണ്ണന്താനത്തിനെയും ബി ജെ പി യെയും കണക്കിന് കളിയാക്കുകയും ചെയ്തു 

പക്ഷെ ഇവരാരും ശ്രദ്ധക്കാതെ പോയ ഒരു കാര്യം !! 

ഇന്ത്യൻ ഭരണഘടന യുമായി ബന്ധപ്പെട്ടതാണ് 

നമ്മുടെ ഭരണ ഘടന യുടെ ആർട്ടികൾ 272 ഇൽ വ്യക്തമായി പറയുന്ന , എന്ന് വെച്ചാൽ കേന്ദ്രം ഈ പിരിച്ചെടുക്കുന്ന ടാക്സ്, എക്‌സൈസ്ഡ്യൂട്ടി   വരുമാനങ്ങളിൽ സംസ്‌ഥാനങ്ങൾക്കു വീതിച്ചു നൽകിയതിന് ശേഷമുള്ളതിൽ  ഒരു വിഹിതം ആരോഗ്യ പരിരക്ഷയ്ക്കും കക്കൂസ് നിർമാണത്തിനും  ചിലവഴിക്കും എന്ന് വ്യെക്തമായി എഴുതി വെച്ചിട്ടുണ്ട് , അങ്ങനെ നമ്മുടെ ഭരണഘടനയിൽ വ്യെക്തമായി എഴുതി വെച്ച  ഒരു കാര്യം മാത്രമാണ് കണ്ണന്താനം പറഞ്ഞത് ,,

ഇന്ത്യൻ ഭരണഘടന ഉണ്ടാക്കിയത് മോദിയോ അൽഫോൻസ് കണ്ണന്താനമോ അല്ല, ഡോക്ടർ അംബേദ്കറുടെ നേതൃത്വത്തിലുള്ള ഭരണഘടനാ അസ്സംബ്ലി ആയിരുന്നു 
ഇന്നുവരെ നൂറോളം ഭരണഘടനാ ഭേദഗതികൾ കോൺഗ്രെസ്സടക്കമുള്ള പാർട്ടികൾ കൊണ്ടുവന്നിട്ടുണ്ടെങ്കിലും ഇന്നുവരെ ആരും ആർട്ടികൾ 272 ഭേദഗതി ചെയ്തിട്ടില്ല 

അപ്പോൾ ചുരുക്കിപ്പറഞ്ഞാൽ സർവ്വജ്ഞാനികളായ മലയാളി സമൂഹം കക്കൂസ് നിർമാണ ഫണ്ടെന്നും പറഞ്ഞു ഇത്രയും കാലം കളിയാക്കിയത് അൽഫോൻസ് കണ്ണന്താനത്തിനെയോ ബി ജെ പി യെയോ അല്ല, നമ്മൾ ഓരോരുത്തരും ഏറ്റവും കൂടുതൽ ബഹുമാനിക്കുന്ന നമ്മുടെ ഭരണഘടനയെയാണ് ,  

ഞാൻ ഈ പറഞ്ഞ കാര്യം നിങ്ങൾക്ക് ഭരണഘടനാ പുസ്തകത്തിൽ നോക്കി ഉറപ്പുവരുത്താം അല്ലെങ്കിൽ Article 272 of Indian Constitution എന്ന് ഗൂഗിളിൽ സെർച് ചെയ്തും മനസ്സിലാക്കാം 

ഇതിനിടയിൽ നമ്മൾ ചിന്തിക്കേണ്ട ഒരു കാര്യം 

നമ്മുടെ സാധാരണക്കാരായ ജനങ്ങളുടെ കാര്യം പോട്ടെ രാഷ്ട്രീയ നേതാക്കന്മാർ പറയുന്നത് അവർ കണ്ണടച്ച് വിശ്വസിക്കും, പക്ഷെ അവർക്കു വ്യെക്തമായ അറിവ് എത്തിച്ചു നൽകേണ്ട പത്രമാധ്യമങ്ങളും ഈ കോമാളിത്തരങ്ങളും മണ്ടത്തരങ്ങളും കാണിക്കുന്നതിൽ മുന്നിട്ടു നിൽക്കുന്നു എന്നുള്ളതാണ് ഏറ്റവും വലിയ നാണക്കേട് 

അപ്പോൾ മലയാളികളുടെ ഈ മണ്ടത്തരണങ്ങൾ കണ്ടു ചിരിക്കുന്ന ഇന്ത്യയിലെയും ലോകത്തിന്റെ മറ്റുഭാഗത്തുള്ളതുമായ ജനങ്ങൾ മലയാളിയെ ഒരു കോമാളിയായി കണ്ടാൽ നമുക്ക് കുറ്റം പറയാൻ പറ്റുമോ !!?

:: ആർസ ::

No comments:

Post a Comment